Қазақстанда мемлекеттік басқару тұжырымдамасы өзгерді: ол нені білдіреді

2021 жылдың ақпанында алғаш рет қабылданған мемлекеттік басқаруды дамытудың тұжырымдамасы жаңартылды. Алғашқы құжат “Адамға бағытталған модель құру. Адам – бәрінен жоғары” деген ұранмен ұсынылған болатын.

Тұжырымдамада мемлекеттік басқарудың негізгі қағидаттары көрсетілген:

“Халық үніне құлақ асатын мемлекет” қағидаты;

тиімді, есеп беретін, кәсіби әрі прагматикалық мемлекет қағидаттары.

ЖАҢА ҚОСЫМШАЛАР

Саясаттанушы Данияр Әшімбаевтың айтуынша, тұжырымдаманың жаңа редакциясында бұл тізімге “Заң және тәртіп” қағидаты қосылған.

Тұжырымдама мақсаттарына жету үшін белгіленген 5 міндет:

1. Клиентке бағдарланған және ашық мемлекеттік аппарат қалыптастыру;
2. Оңтайлы әрі тиімді мемлекеттік аппарат құру;
3. Азаматтардың қажеттіліктеріне негізделген проактивті мемлекеттік қызметтерге көшу;
4. Тиімді, оңтайлы және ашық квазимемлекеттік сектор қалыптастыру;
5. Жергілікті өзін-өзі басқару жүйесін одан әрі жетілдіру.

НЕ ӨЗГЕРДІ

Әшімбаевтың мәліметінше, бұған дейінгі нұсқада 9 міндет болған. Ал жаңа редакцияда кейбір бағыттар алынып тасталған. Олардың қатарында:

– стратегиялық және бюджеттік жоспарлау тәсілдерін жетілдіру, сондай-ақ реформаларды жүргізу;

– адами капиталдың сапасын арттыру және мемлекеттік аппаратты кәсібилендіру;

– бизнесті дамытуға қолайлы жағдай жасау;

– сот жүйесін және құқық қорғау органдарын сервистік модельге көшіру бағытындағы трансформация бар.