Қазақстанның мемлекеттік қарызы 31,9 трлн теңгеге жетті, деп хабарлайды Ulysmedia.kz.
Толығырақ
1 шілдеге дейінгі статистика бойынша, Қазақстанның мемлекеттік қарызы 31,9 трлн теңгені құраған. Бұл жалпы ішкі өнімнің 21,1%. Мұндай деректерді үкімет отырысында қаржы министрі Мәди Тәкиев айтты. Оның сөзінше, жыл басынан бері мемлекеттік қарыз 40 млрд теңгеге өскен.
Тәкиев жалпы ішкі өнімнің өсу қарқыны туралы айтты. Оның пікірінше, соның арқасында оң динамика сақталған. Егер 2020 жылы мемлекеттік қарыз мөлшері ЖІӨ-нің 29,2% құраса, 2024 жылы ол 23,5% болған.
– Осылайша, мемлекеттік қаржыны басқарудың 2030 жылға дейінгі тұжырымдамасында белгіленген ЖІӨ-ге 32% -дық мемлекеттік қарыз лимиті сақталады, – деп сендірді министр.
Сыртқы қарыз
Бұған дейін, Қазақстанның сыртқы қарызының да өскені айтылған. 2025 жылғы 1 сәуірдегі жағдай бойынша, сыртқы қарыз 170,5 млрд доллар болған. Жыл басынан бері ол 5,7 млрд долларға өскен.