Ресей президенті Владимир Путин интернеттен экстремистік материалдарды қасақана іздегендерге жауапкершілік жүктейтін заңға қол қойды. Бұдан былай VPN қолданғандар да жауапқа тартылады, деп хабарлайды Ulysmedia.kz.
2025 жылдың 1 қыркүйегінен бастап интернеттен экстремистік материал іздегендерге 3-5 мың рубль көлемінде айыппұл салынбақ.
Заңда VPN-ге қатысты жеке пункт бар. VPN-ді жарнамалағандарға 50-80 мың рубль көлемінде айыппұл салынады, лауазымды тұлғаларға – 80-150 рубль, заңды тұлғаларға – 200-500 мың рубль айыппұл қарастырылған.
VPN жағдайды ауырлататын әрекет ретінде саналмақ.
Байланыс министрі Мақсұт Шадаевтың түсіндіруінше, тыйым салынған материалдарды әдейі іздемеген қолданушыларға заңның қатысы жоқ. Әрбір жағдайда әрекеттің қасақана істелгені-істелмегені дәлелденуі керек.
Ресей Украинаға басып кіргелі бірқатар бұқаралық ақпарат құралдары мен әлеуметтік жеті, видео платформалар бұғатталған. Оларға кіру үшін VPN қолдану қажет.