Ұжымдық қауіпсіздік туралы шарт ұйымы басшылығының бейнежазбасын алаяқтар пайдаланып жүр, деп хабарлайды Ulysmedia.kz.
ТОЛЫҒЫРАҚ
Соңғы уақытта жасанды интеллект технологиясын қолданып жасалған жалған бейнеүндеулер арқылы алаяқтық шабуылдар жиілеп кетті. Қылмыскерлер ҰҚШҰ-ның бас хатшысы Иманғали Тасмағамбетовтің цифрлық бейнесін қолданып, ойдан шығарылған себептермен ақша аударуды сұрайтын шынайы көрінетін бейнероликтер жасайды.
- Қазіргі технологиялар өте шынайы жалған бейне мен аудио жасауға мүмкіндік береді. Экраннан көріп отырғаныңыз – қылмыскер басқаратын цифрлық бейнеқосалқы. Ештеңе жүктемеңіз және ешқайда тіркелмеңіз. Цифрлық қосалқы сізден қосымша жүктеуді, сілтемеге өтуді немесе жалған сайтта тіркелуді сұрауы мүмкін. Мұның бәрі деректеріңізді ұрлау немесе құрылғыға вирус жұқтыру үшін жасалады, – деп ескертті Aqparat Saqsysy мамандары.
КОНТЕКСТ
Өз кезегінде Тасмағамбетов бұған дейін киберсоғыстар туралы пікір білдірген еді. Оның айтуынша, бұл кеңістік мемлекеттер арасындағы тағы бір шайқас алаңына айналды.