Астана қаласында соңғы екі айда міндетті әлеуметтік медициналық сақтандыру жүйесіне кірмеген азаматтар саны 18 мыңға көбейген, деп хабарлайды Ulysmedia.kz.
ТОЛЫҒЫРАҚ
Себептердің бірі – халықтың астанаға жаппай көшуі.
ҚАЗІРГІ ЖАҒДАЙ
Қазіргі таңда міндетті әлеуметтік медициналық сақтандыру жүйесіне тұрғындардың 84,6 пайызы қатысып отыр. Ал 256 672 адам сақтандырылмаған:
ӘКІМДІКТІҢ ЕСКЕРТУІ
Әкімдік өкілдері атап өткендей, амбулаторлық деңгейде дәрі-дәрмек алып жүрген тұрғындардың шамамен 10 пайызы жыл соңына дейін сақтандырылуы тиіс. Әйтпесе олар бұл мүмкіндіктен айырылып қалуы ықтимал.
БҰҒАН ДЕЙІН
Мәжіліс отырысында қып-қызыл дау туды. Депутат Таңсәуле Серіков пен Әлеуметтік-медициналық сақтандыру қоры басқармасының төрағасы Айдын Құлсейітов жоспарлы операциялардан бас тарту жағдайына қатысты пікірталас жүргізді.
Серіков бір мысал келтірді: бір азаматқа шұғыл түрде кардиостимулятор орнату қажет болған. Құрылғы сатып алынғанымен, операция бірден жасалмаған – қорда қаражат болмаған.