Азаматтық авиация комитеті 29 қарашаға қараған түні Air Astana және FlyArystan жолаушыларына үндеу жасап, жоспарлы жұмыстарға байланысты сабыр сақтауды сұрады, деп хабарлайды Ulysmedia.kz.
ТОЛЫҒЫРАҚ
Екі қазақстандық авиакомпанияның әуе кемелерінде бағдарламалық қамтамасыз етуді шұғыл жаңарту жүргізіліп жатыр. Бұл шара Airbus компаниясының ұшу жарамдылығы жөніндегі директивасына сәйкес қолға алынған.
Ведомствоның мәліметінше, KC 931 және FS 7063 рейстерін орындаған екі ұшақтағы жаңарту толық аяқталған. Қалған әуе кемелерінде процесс кезең-кезеңімен жүріп жатыр және жақын күндері толық бітуге тиіс.
Барлық жұмыс авиакомпания инженерлері, Азаматтық авиация комитеті және Қазақстанның авиациялық әкімшілігі тарапынан тікелей бақылауда.