Қазақстан Республикасының Денсаулық сақтау министрлігі скринингтік зерттеулерге қатысты ережелерді, көлемін және өткізу мерзімділігін қайта қарап, толықтырулар дайындады, деп хабарлайды Ulysmedia.kz.
ТОЛЫҒЫРАҚ
Жобаға сәйкес, қолданыстағы скрининг түрлеріне қосымша ретінде өкпе қатерлі ісігін ерте кезеңде анықтауға арналған жаңа скрининг енгізу ұсынылды.
ВИРУСТЫҚ ГЕПАТИТТЕР
Сонымен қатар В және С вирустық гепатиттерін ерте анықтау үшін мақсатты топтың ауқымы кеңейтіледі. Бұл шара халықтың денсаулығын қорғауға және қауіпті ауруларды алдын ала анықтауға бағытталған.
БҰҒАН ДЕЙІН
Қатерлі ісікке қарсы күресіп жүрген қазақстандықтар да, Еуропа тұрғындары сияқты, Беларуське барып емделетіні белгілі болған.
Беларусьтегі Онкология және медициналық радиология жөніндегі республикалық ғылыми-практикалық орталық (РҒПО) Еуропадан, Қазақстаннан, Өзбекстаннан және Әзербайжаннан келген пациенттер санының айтарлықтай артқанын мәлімдеді.
Орталық директоры Сергей Поляковтың айтуынша, Беларусьте тұратын және жұмыс істейтін шетелдіктер онкологиялық емді тегін алады. Ал егер адам елге тек медициналық қызмет алу үшін келсе — ем ақылы негізде көрсетіледі.