Түркияда Ливия Қарулы күштері Бас штабының бастығы генерал Мохаммед әл-Хаддад отырған Falcon 50 жеке ұшағы апатқа ұшырады. Бұл ақпаратты Ливияның премьер-министрі Абдель Хамид Дбейба растады, деп хабарлайды Ulysmedia.kz.
ТОЛЫҒЫРАҚ
Ұшақ ресми сапардан кейін Анкарадан Триполиге қайтып бара жатқан. Апатқа дейін экипаж Хаймана ауданы маңында шұғыл қонуға рұқсат сұраған, содан кейін бортпен байланыс үзілген. Бас штаб басшысымен бірге тағы төрт адам қаза тапты: Құрлық әскерлері штабының бастығы, Әскери өндіріс басқармасының жетекшісі, Бас штабтың кеңесшісі және баспасөз қызметінің фотографы. Анкарада әл-Хаддад Түркияның қорғаныс министрі Яшар Гюлермен кездесіп, Түркия Бас штабы бастығының ресми қонағы ретінде келіссөздерге қатысқан.
ПРЕМЬЕРДІҢ МӘЛІМДЕМЕСІ
Ливия премьер-министрі болған жағдайды ел үшін ауыр трагедия әрі үлкен қайғы деп атап, қаза тапқан әскери қызметкерлердің мемлекетке адал әрі абыроймен қызмет еткенін айтты.