iPhone мен қытай смартфондарына қауіп төніп тұр

ҚЫТАЙ СМАРТФОНДАРЫ МЕН ЕСКІ iPHONE ҮШІН ҚАУІП

Министрлік жүргізген жұмыстар барысында белгілі болғандай, қытайлық маркалардағы (Huawei, Xiaomi және басқа) кейбір смартфондарда Cell Broadcast қызметі операциялық жүйе баптауларында әдепкі бойынша өшірілген. Соның салдарынан мұндай құрылғы иелері Mass Alert арқылы жіберілетін төтенше хабарламаларды алмай қалуы мүмкін.

Сонымен қатар, қауіп мына құрылғыларға қатысты сақталады:

• iPhone смартфондары (операциялық жүйесі iOS 18-ден төмен нұсқадағы);
• Қазақстанға басқа елдерден ресми сертификатсыз әкелінген телефондар;
• Қазақстандағы байланыс операторларының желісінде тіркелмеген құрылғылар;
• «Сұр» нарықтағы, яғни Қазақстан аумағында пайдалануға арналмаған мобильді телефондар.

ҚАУІПТІҢ САЛДАРЫ

Министрліктің дерегінше, аталған құрылғыларда Cell Broadcast хабарламаларын қабылдау параметрлері шектеулі болуы, мүлде болмауы немесе дұрыс жұмыс істемеуі ықтимал. Бұл төтенше жағдай кезінде халықтың дер кезінде ақпарат алмауына әкеліп соғуы мүмкін.

МИНИСТРЛІКТІҢ ҰСЫНЫСТАРЫ

Төтенше жағдайлар министрлігі азаматтарға мынадай кеңес береді:

• Смартфон баптауларынан Cell Broadcast қызметінің бар-жоғын және белсенділігін тексеру;
• Қазақстанда ресми түрде әкелінген әрі тіркелген мобильді құрылғыларды пайдалану;
• Смартфонның операциялық жүйесін уақытылы жаңартып отыру.