"Қазгидромет" 18 қаңтардағы Қазақстандағы ауа райына болжам ұсынды. Синоптиктердің мәліметінше, ел аумағында ауа райы екі түрліі: бір өңірлерде жауын-шашын мен боран, басқа аймақтарда құрғақ, аяз болады, деп хабарлайды Ulysmedia.kz.
МӘН-ЖАЙ
Атмосфералық фронттардың әсерінен республиканың батысы мен оңтүстігінде жауын-шашын – жаңбыр аралас қар түседі. Солтүстік-батыста қар жауып, боран соғады, ал елдің оңтүстігінде жауын-шашын кей жерлерде мол түсуі мүмкін. Қалған өңірлерде антициклон әсер етіп, жауын-шашынсыз, бірақ айтарлықтай суық ауа райы сақталады. Сонымен қатар Қазақстан бойынша жел күшейіп, көктайғақ пен тұман болжанып отыр.
ЕҢ СУЫҚ БОЛАТЫН ӨҢІРЛЕР
Синоптиктер ең қатты аяз түнгі уақытта болады деп болжап отыр. Шығыс Қазақстан облысында, Павлодар облысының солтүстігі мен шығысында, сондай-ақ Абай облысының солтүстігінде ауа температурасы 40 градусқа дейін төмендеуі мүмкін. Қарағанды облысының батысы мен шығысында 35 градусқа дейін аяз. Жетісу облысында -25…-28°C, ал Алматы облысының солтүстігі мен орталығында шамамен -25°C болады.
“Қазгидромет” сондай-ақ Шығыс Қазақстан облысының солтүстігі мен шығысында түнде өте қатты аяз – 45 градусқа дейін төмендеуі мүмкін екенін ескертті.