Түркістан облысында 2012 жылы болған кісі өлтіру қылмысы сотқа жолданды, деп хабарлайды Ulysmedia.
Мән-жай
Тергеу деректеріне сәйкес, 2012 жылы 12 қазанда Сайрам ауданында алты ер адам жәбірленушіге шабуыл жасап, оны соққыға жыққан. Одан кейін ер адамды Шымкент қаласындағы жалдамалы пәтерге алып барып, алған жарақаттарының салдарынан ол сол жерде көз жұмған.
Кісі өлтіру дерегі бойынша тергеуді жуырда Түркістан облысының арнайы прокурорлары аяқтаған. Тергеу барысында күдіктілердің барлығы анықталған. Сот олардың барлығына қамауда ұстау бұлтартпау шарасын санкциялаған. Қылмыстық іс сотқа жолданған.