«Алматыда «Жұлдыз» және «Арыстан» азық-түлік базарларында басы артық делдалдардың тізбегі мен сауда үстемесін 15%-дан асырып жіберу фактілері анықталды, деп хабарлайды Ulysmedia.kz.
Бұл туралы сауда және интеграция министрі Серік Жұманғариннің төрағалығымен Үкіметте өткен жиында айтылды.
Сауда комитеті төрағасының м.а. Айдар Әбілдабековтың дерегінше, облыстар бөлінісінде әлеуметтік маңызы бар азық-түлік өнімдерінің бағасы жыл басынан бері Маңғыстау өңірінде ең көп өскен (2,9%-ға), онда ӘМАТ қатарына енетін 10 атауы қымбаттаған. Сондай-ақ Ұлытау облысында (бағаның өсуі – 2,6%) және Астана қаласында (өсу – 2,1%) ең нашар көрсеткіштер тіркелді.
Сондай-ақ, Әбілдабеков СҚО-да үй маңындағы дүкенге жұмыртқа (С1) жеткізген делдал анықталғанын айтты. Бұдан бөлек, Алматы облысында Бәсекелесткті қорғау және дамыту агенттігі екі кәсіпорынның әрекеті әлеуметтік санаттағы тауық жұмыртқаларын сату кезінде бәсекелестікке қарсы келісілген іс-әрекеттердің белгілері барын қарастыруда.