Солтүстік Қазақстан облысындағы Қызылжар аудандық соты Украинаға қарсы соғысқа қатысқан қазақстандыққа үкім шығарды, деп хабарлайды Ulysmedia.kz.
МӘН-ЖАЙ
Іс материалдарына сәйкес, 2000 жылы туған Қазақстан азаматы 2025 жылдың ақпанында табыс табу мақсатында Ресейге барған. Сол жерде еріктілердің ұсынысымен Ресей Қарулы күштерінің қатарына өз еркімен қосылып, бір жылдық келісімшартқа қол қойған. Дайындықтан өткен соң оны ұрыс қимылдары жүріп жатқан аймаққа жіберген.
30 сәуірде ол жарақат алған. Ал шілденің басында позицияны өз бетінше тастап, Қазақстанға қайтып келген.
СОТ ШЕШІМІ
Қызылжар аудандық сотының үкімімен ол ҚР Қылмыстық кодексінің 172-бабы («Шетелдік қарулы қақтығыстарға қатысу») бойынша кінәлі деп танылды. Сот оны 6 жылға бас бостандығынан айыруға, жазаны орташа қауіпсіздік деңгейіндегі қылмыстық-атқару жүйесі мекемесінде өтеуге үкім етті.
ЕСКЕРТУ
Қазақстанда жалдамалылық үшін қылмыстық жауапкершілік көзделген.