Сенат төрағасы Мәулен Әшімбаев вице-президент қашан сайланатынын айтты, деп хабарлайды Ulysmedia.kz .
Cпикер Сенат кулуарында БАҚ өкілдерінің сұрақтарына жауап берді. Мәулен Әшімбаевтың айтуынша, вице-президент Құрылтай жасақталған соң сайланады. Бұл – президенттің құзыретіндегі мәселе.
Журналистер Сенат төрағасынан «Вице-президент кім болады?» деп сұрады.
«Әзірге Қазақстандағы вице-президент қызметіне үміткердің кім болатыны белгісіз. Бұл мәселе толықтай Қасым-Жомарт Тоқаевтың құзыретінде. Одан әрі жаңа парламент – Құрылтайдың құрамы жасақталғаннан кейін Президент тиісті шешім қабылдайды», – деді ол.
Еске салайық, біз бұған дейін “Қазақстанда вице-президент лауазымына қай әйел лайық?” деген сауалға жауап іздеген едік.