Түркістан облысында прокурорлар Қазақстанда тіркеусіз жүрген шетелдіктерді, сондай-ақ, мигранттарды заңсыз жұмысқа тарту деректерін анықтады, деп хабарлайды Ulysmedia.kz.
Мән-жай
Тексеру қорытындысы бойынша 181 адам әкімшілік жауапқа тартылды. Салынған айыппұлдың жалпы сомасы - 2,8 млн теңге.
Прокуратура өкілдері көші-қон заңнамасының сақталуын бақылау жалғасатынын, мұндай тексерістер алдағы уақытта да жүргізілетінін мәлімдеді.
Контекст
Бұған дейін Қазақстан Сыртқы істер министрлігі еуропалық Politico басылымына сілтеме жасап, тараған ақпаратқа қатысты пікір білдірген еді.
Онда Еуроодақ заңсыз мигранттарды Орталық Азия елдеріне, соның ішінде Қазақстан мен Өзбекстанға жіберу мүмкіндігін жабық талқылап жатқаны айтылған. Сондай-ақ, виза режимін жеңілдету орнына бұл елдерде мигранттарды ұстау орталықтарын құру мәселесі қарастырылып отырғаны жазылған.