Астанада алғаш рет тік ұшып-қонып, тік қона алатын электрлі әуе көлігі (eVTOL) негізіндегі аэротакси сынақтан өтті, деп хабарлайды Ulysmedia.kz.
ЖОЛДЫҢ ОРНЫНА – ӘУЕ КЕҢІСТІГІ
Көрсетілімдік ұшу «Қазанат» ипподромының аумағында ұйымдастырылды. Бұл Қазақстандағы қалалық әуе мобильдігін дамыту бағытындағы тағы бір қадам болды.
Сынақ кезінде бір ұшқыш пен бес жолаушыға арналған AutoFlight Prosperity жолаушылар әуе көлігі пайдаланылды. Ол сағатына 200 шақырымға дейін жылдамдықпен ұшып, бір қуаттаумен 200 шақырымға дейінгі қашықтықты еңсере алады.
Сынақты қазақстандық Alatau Advance Air Group Ltd. (AAAG) компаниясы қытайлық AutoFlight өндірушісімен бірлесіп ұйымдастырды.
КОНТЕКСТ
Бұл – Қазақстандағы eVTOL технологиясын сынаудың екінші кезеңі. Алғашқы сынақ 2026 жылғы мамырда Алатау қаласында өткен еді.
Осыдан кейін елімізде аэротаксидің, вертипорттардың және ұшқышсыз әуе қозғалысын басқару жүйесінің құқықтық мәртебесін бекітетін заңнамалық өзгерістер қабылданды.