НАТО Украинаға әуе шабуылына қарсы қорғаныс құралдарын жеткізуге көмектесуге уәде берді, деп хабарлайды Ulysmedia.kz.
Толығырақ
НАТО бас хатшысы Марк Рютте Батыс елдерімен Украинаны әскери тұрғыда қолдауды жалғастыру мәселесін, әсіресе әуе шабуылына қарсы қорғаныс саласындағы көмекті талқылап жатқанын мәлімдеді. Ол бұл туралы Украина президенті Владимир Зеленскиймен сөйлескеннен кейін айтты.
– Одақтастармен Украинаны аса қажет әуе шабуылына қарсы қорғаныс құралдарымен қамтамасыз етуді қалай жалғастыра алатынымызды талқылап жатырмын, – деді Рютте.
Ал Зеленский Рюттемен қосымша қару-жарақ сатып алу мүмкіндігін талқылағанын айтты.
– Марк бұл қауіп-қатерлерді жақсы біледі. Біз қажетті зымырандары мен көмек көрсету мүмкіндігі бар елдермен күш-жігерімізді үйлестірдік, – деді Украина президенті.
Бұған дейін
3 тамызда АҚШ-тың НАТО жанындағы тұрақты өкілі Мэттью Уитакер Киевпен Patriot жүйесіне арналған ұстағыш зымырандарды өндіруге лицензия беру жөніндегі келісім 2026 жылдың қысына дейін жасалмайтынын мәлімдеген еді. Алайда Украина және Еуропа елдерімен бірлесіп өндіру мүмкіндігі қарастырылып жатыр.