Алдағы күндері Қазақстанда ауа райы күрт өзгереді. Батыстан ел аумағына циклон келіп, жаңбыр, найзағай және екпінді жел әкеледі, деп хабарлайды Ulysmedia.kz.
Толығырақ
Алдымен қолайсыз ауа райы батыс өңірлерді қамтып, кейін солтүстікке қарай жылжиды. Ал оңтүстікте жылы, жауын-шашынсыз ауа райы сақталады. Бұл өңірлерге Өзбекстаннан жылы ауа массалары келеді.
Циклонның алдында ел аумағының басым бөлігінде жауын-шашынның тоқтап, температураның төмендеуіне себеп болған антициклон өтті.
Контекст
Айта кетейік, 16 қыркүйекте Қазақстанның бірнеше өңірінде жаңбыр жауып, найзағай ойнады. Жетісу облысында желдің екпіні 23–28 м/с-қа жетсе, Түркістан облысының батысында шаңды дауыл байқалды. Көптеген өңірде өрт қаупі жоғары және төтенше деңгейде сақталып отыр.