Жауын-шашын, көктайғақ: 16 қарашада ауа райы қандай болады

ru.pngtree.com

16 қараша, дүйсенбіде Қазақстанның бірнеше өңірінде жаңбыр мен қар аралас жауын-шашын түсіп, көктайғақ және жел күшейеді. Елдің солтүстік-батысында түнде жауын-шашын мол жауады. Ал оңтүстік және оңтүстік-шығыстың кейбір аудандарында өрт қаупі жоғары деңгейде сақталады, деп хабарлайды Ulysmedia.kz.

Толығырақ

Синоптиктердің болжамынша, Қазақстанның батысында, солтүстігінде, солтүстік-батысында және оңтүстік-шығысында жаңбыр мен қар жауады. Солтүстік-батыста түнде кей жерлерде, негізінен жаңбыр түрінде, жауын-шашын мол түседі. Елдің қалған бөлігінде айтарлықтай жауын-шашын болжанбайды.

Сонымен қатар республика аумағында тұман түсіп, жел күшейеді. Бұл жолдағы жағдайды қиындатуы мүмкін. Батыс, солтүстік және солтүстік-батыс өңірлерде көктайғақ болады. Әсіресе түнгі және таңғы уақытта жолдың тайғақ учаскелеріне байланысты жүргізушілерге сақ болған жөн.

Бірқатар облыста жауын-шашын болғанымен, елдің кей бөлігінде өрт қаупі жоғары деңгейде сақталады. Ескерту Қызылорда облысының оңтүстік-батысы мен солтүстігіне, Алматы облысының солтүстігі мен шығысына, сондай-ақ Жетісу облысының оңтүстік-шығысына қатысты.

Тұрғындар мен жүргізушілерге жолға шығарда ауа райы жағдайын ескеріп, синоптиктердің ескертулерін қадағалау ұсынылады.

Сізге қызық болуы мүмкін