Қоғам белсендісі Рысбек Сәрсенбей Халық парламенті мүшелерін бірігуге шақырды, деп хабарлайды Ulysmedia.kz.
«Біз олардан гөрі адал, тазамыз, ықпалды жұмыс істеуіміз керек», деген ол Халық парламентін құрып, оны үйлестіру бағытында ұсыныстарын айтты.
Рысбек Сәрсенбай сайлаудағы заңсыздық мәселесін көтеріп, президент және парламент сайлауына жұмсалған миллиардтаған қаржының есебін талап ету керек деді. Сондай-ақ, президенттік жүйеден парламенттік жүйеге көшіру бойынша ұсыныстарға атсалысып, Назарбаев пен оның әулетінің мемлекеттен жымқырған қаржыларын қайтару, оны халық игілігіне пайдалануды қадағалау керектігін атап өтті.
«Біз отаншыл азаматтар дәл қазіргі сәтте қоғам, мемлекет үшін өзімізді жауапты санап, топтасуға тиіспіз», - деді ол.