Халықаралық шахмат федерациясының (ФИДЕ) президенті Аркадий Дворкович неліктен шахматтан әлем чемпионатын Астанада өткізу туралы шешім қабылданғанын айтып берді. Бұл туралы Ulysmedia.kz хабарлайды.
Дворкович журналистерге Қазақстан шахматты дамыту орталықтарының біріне айналып келе жатқанын айтты.
«Бұған дейін Қазақстанда блиц және рапид бойынша әлем чемпионаты, командалық әлем чемпионаты, әйелдер арасындағы Гран-при және тәж үшін кездесу сәтті өтті. Сонымен қатар, бұл мемлекет әйелдер шахматынан әлем көшбасшыларының қатарында. Ерлер де қуып жетеді деп сенемін. Онда серіктестер де, демеушілер де бар, сондай-ақ ең маңызды фактор – Қазақстан Президентінің шахматқа көңіл бөлуі», - деді ол чемпионаттың ресми ашылу салтанатында.
Оның айтуынша, Қытай мен Ресейдің арасында орналасқан Қазақстанның географиялық жағдайы (шахматтан әлем чемпионы атағы үшін ресейлік Ян Непомниаччи мен қытайлық Дин Лирен таласатын болады) айрықша рөл атқарды.
2023 жылғы классикалық шахматтан әлем чемпионаты Астанада 7 сәуір мен 1 мамыр аралығында өтеді.
Еске салайық, бұған дейін қазақстандық шахматшы Бибісара Асаубаеваның Үндістанда өткен Гран-приде қанша табыс тапқаны белгілі болған еді.