Астана қаласы Байқоңыр ауданының № 2 сотының үкімімен елордалық балабақша меңгерушісі, сондай-ақ осы мекемеге азық-түлік жеткізуші сотталды, деп хабарлайды Ulysmedia.kz.
Қалалық прокуратура мәліметінше, мемлекеттік айыптаушы сотта азық-түлік жеткізу көлемін едәуір арттыру арқылы бюджет қаражатын ұрлаудың қылмыстық схемасын дәлелдеді.
“Сондай-ақ, мекемеде жөндеу жұмыстарын жүргізу туралы жалған актілер жасау арқылы ақша ұрланған. Мемлекетке келтірілген залал толық көлемде өтелді, кінәлілер сотталды”, – делінген хабарламада.
Айта кетсек, бұдан бұрын Жетісу облысында ауыл балабақшасынан 38 млн теңге ұрланған еді.
Ал Абай облысында балабақша есепшісі 2,5 млн теңге жымқырған.