Азаматтарды кіріс алу үшін компанияға тіркелуге шақырған екі азамат «Sincere Systems» (S-Group) қаржылық (инвестициялық) пирамидасын құру және басқару ісі бойынша тергеліп жатыр, деп хабарлайды Ulysmedia.kz.
ҚР Қаржылық мониторинг агенттігінің мәліметінше, ұйымдастырушылардың тұрғылықты жерінде тінту жүргізіліп, кеңсе техникасы (ноутбуктар, ұялы телефондар, процессорлар), компанияның заңсыз қызметіне қатысты құжаттар, келісім-шарттар, жарнамалық құралдар, презентация материалдары тәркіленді.
Тергеу амалдары жүргізілуде.
ҚР ҚПК 201-бабына сәйкес өзге мәліметтер жария етуге жатпайды.
«ҚР Конституциясының 77-бабының 3-тармағының 1-тармақшасына және ҚР Қылмыстық-процестік кодексінің 19-бабының 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әркім кінәсіз деп есептеледі», – делінген хабарламада.
Айта кетейік, бұдан бұрын Астанада Antares қаржы пирамидасын ұйымдастырушыларға үкім шыққан.