Маңғыстау атом электр станциясында №3 қазандықтың жөндеу жұмыстары аяқталды, деп хабарлайды Ulysmedia.kz.
Осылайша, облыста электр энергиясын жеткізуге қойылған шектеулер толығымен алынып тасталды. Бұл туралы Маңғыстау облысының әкімдігінде мәлімдеді
«МАЭК» ЖШС ЖЭО-дағы №3 энергоблокта жөндеу жұмыстары аяқталды. Сағат 12.00-ден бастап электр энергиясын жеткізудегі барлық шектеулер (мұнай және өнеркәсіп секторларын қоса алғанда) алынып тасталды», - делінген хабарламада.
Энергия блогы 19 тамызда пайдалануға берілді.
Жұмыс барысында генератор роторының сырғанау сақиналары мен оқшаулағыш гильзасы жөнделгені белгілі болды. Мамандар оқшаулауды өлшеудің оң нәтижелерін атап өтті және щеткамен жанасу аппаратын орнатты. Осыдан кейін өзге де операциялар жүргізілді.
Еске салайық, 3 шілдеде сыртқы желілерден электр қуатының ауқымды үзілуіне байланысты Атырау мұнай өңдеу зауытының технологиялық қондырғылары апатты жағдайда тоқтаған болатын. Сол күні кешке зауыттың электр қуатын беру толығымен тоқтатылды. Бұған МАЭК-тегі апат себеп болды. Кейін үкімет «МАЭК» ЖШС, Атырау мұнай өңдеу зауыты, «KEGOC» компанияларының бірқатар басшылары мен лауазымды тұлғаларына қатысты әкімшілік шара қолдануға уәде берді.
Бұған дейін Энергетика министрлігі «KEGOC» АҚ бірінші басшысының орынбасары белгіленген мерзімге сай келмегені үшін жазаланғанын хабарлаған болатын.