Ақтөбе қаласында Ұлттық қауіпсіздік комитеті (ҰҚК) полициямен бірлесіп радикалды діни топты анықтады, деп хабарлайды Ulysmedia.kz.
ҚР Ұлттық қауіпсіздік комитетінің баспасөз қызметі мәлімдегендей, лаңкестік пиғылды насихаттады деген күдікпен Қазақстанның екі азаматы ұсталды.
Олардың тұрғылықты жерінде жүргізілген тінту нәтижесінде экстремистік сипаттағы материалдар мен өзге де айғақ заттар алынды. Келіп түскен материалдар Қылмыстық кодекстің 256-бабының 2-бөлігіне сәйкес Сотқа дейінгі тергеп-тексерудің бірыңғай тізіліміне тіркелді.
Бұл істің егжей-тегжейлері жария етілмейді, заңға сәйкес Қылмыстық іс жүргізу кодексінің 201-бабының 1-бөлігіне сәйкес өзге де мәліметтер жариялануға жатпайды.