Астанадағы көпірлердің бірі бір айға жартылай жабылады, деп хабарлайды Ulysmedia.kz.
Астана мониторинг және жедел әрекет ету орталығы Ұлы Дала даңғылындағы көпірдің жартылай жабылатынын жазды.
Бұл қозғалысты шектеу компенсатордың негізін жөндеу қажеттілігіне байланысты. 16 қыркүйек пен 15 қазан аралығында көпірде көлік қозғалысы жартылай шектеледі. Алайда көпірдің бір жағында көлік қозғалысы екі бағытта да ұйымдастырылады.
“Сонымен қатар жол-құрылыс жұмыстарына байланысты Қошқарбаев көшесінің учаскелері мен Сығанақ пен Әнет баба көшелерінің қиылысы бірнеше күнге уақытша жабылады”, - деп мәлімдеді Астана әкімдігінің ресми сайты.
16-18 қыркүйек аралығында Тәуелсіздік даңғылынан Бауыржан Момышұлы даңғылына дейінгі аумақта Қошқарбаев даңғылының оң жағында көлік қозғалысы жартылай шектеледі. Оң жақтағы көлік қозғалысы екі бағытта да жабылады.