Израиль қорғаныс күштері (IDF) елдің оңтүстігі мен орталығына жасалған шабуылға жауап ретінде Газа секторында «Темір қылыш» операциясын бастады. Қақтығысқа өзге мемлекеттердің реакциясы әртүрлі, деп хабарлайды Ulysmedia.kz.
Израильді қолдайтын елдер қатарында Франция, Ұлыбритания және Германия бар, онда жоғары лауазымды тұлғалар палестиналық Хамас қозғалысының Израильде жүргізген операциясын айыптады. Франция президенті Эммануэль Макрон «қазіргі уақытта Израильге қарсы жасалып жатқан лаңкестік шабуылдарды» айыптауын жалғастырды. Ұлыбритания Сыртқы істер министрі Джеймс Клеверли мен Германия Сыртқы істер министрі Аннален Баербок Израильді және оның өзін-өзі қорғау құқығын қолдайтынын білдірді.
Швейцария Сыртқы істер министрлігі де Израильдің шабуылын айыптап, «тез арада атысты пен зорлық-зомбылық көрсетуді тоқтатуды» талап етті. Грузия парламентінің спикері Шалва Папуашвили грузин халқы «басқыншылықпен күресуде бауырлас Израильді» қолдайтынын айтып, агрессияны «қатыгездік және адамгершілікке жатпайды» деп атады.
Украина Сыртқы істер министрлігі ХАМАС-тың Израильге жасаған шабуылын айыптап, Израильдің өзін-өзі қорғау құқығын қолдап, «Израильге жасалған лаңкестік шабуылдарды, соның ішінде Иерусалим мен Тель-Авивтегі азаматтық елді мекендерге зымырандық шабуылдарды» айыптады.
Палестинаны қолдайтын елдердің арасында Иран жағы Израильге қарсы зымырандық шабуылдарды қолдап, Палестина мен Иерусалимді түпкілікті азат еткенше палестиналық жауынгерлермен бірге болуға уәде берді. Катар Сыртқы істер министрлігі де Палестинаның шабуылдары мен Газа секторындағы жағдайдың шиеленісуіне тек Израиль ғана жауапты екенін айтып, өз ұстанымын білдірді.
7 қазанда Израиль премьер-министрі Биньямин Нетаньяху Израиль мен ХАМАС қозғалысы арасында кең ауқымды соғыс басталғанын хабарлады.