Мамырда Қазақстанның дипломатиялық корпусында бұрын-соңды болмаған жанжалға тура бір жыл толады. Сол кезде қазақстандық дипломаттың әйелі ақпарат алаңын дүр сілкіндірді. Карина (сол кездегі тегі Мамаш) жұрт алдында үн қатып, 10 жыл бойы күйеуі тарапынан зорлық пен соққы көріп келгенін, енді үнсіз қала алмайтынын мәлімдеді. Ол күйеуінің дипломатиялық мәртебесін алып тастауды және зорлық-зомбылығы үшін жазалауды талап етті. Желіде жарияланған суреттер бұл жайттың ойдан шығарылмағанын көрсетті — денесіндегі көгерген іздер мен жарақаттар бәрін дәлелдегендей болды. Ulysmedia.kz оқиғаның барысын мұқият бақылап келеді.