Бұл туралы «Nur Otan» партиясының ресми сайтында жарияланды, деп хабарлайды ulysmedia.kz.
«Nur Otan» партиясының Төрағасы Қасым-Жомарт Кемелұлы Тоқаевтың қаулысымен партияның Атқарушы хатшысы болып Оралов Асхат Раздықұлы тағайындалды»,- делінген партияның ресми сайтында.
Оралов Асхат Раздықұлы 1990 жылы Павлодар облысында дүниеге келген.
Білімі:
Гумилев атындағы Еуразия Ұлттық университеті, РФ СІМ Мәскеу мемлекеттік халықаралық қатынастар университеті.
Мансап
2011 ж. – Гумилев атындағы Еуразия Ұлттық университетінің әлеуметтік-тәрбие жұмыс департаментінің жастар ұйымдарымен жұмыс бөлімінің бас маманы.
2013-2016 ж.ж. – Гумилев атындағы Еуразия Ұлттық университетінің хаттамат бөлімінің бас маманы.
2014-2016 ж.ж. – «Нұр Отан» партиясының «Нұр» филиалы төрағасының бірінші орынбасары.
2016-2017 ж.ж. – Астана қаласының «Жастар саясаты мәселелері басқармасы» ММ басшысының м.а.
2017-2018 ж.ж. – «Астана қаласының Жастар саясаты мәселелері басқармасының» ММ басшысы.
2018 жылдың қаңтар-тамыз айлары аралығында Қазақстан Республикасы Дін істері және азаматтық қоғам министрлігінің жастар саясаты департаментінің директоры.
2018-2019 ж.ж. – Қазақстан Республикасы Қоғамдық даму министрлігі Жастар және отбасы істері комитеті төрағасының орынбасары.
2019-2020 ж.ж. – Павлодар облысы әкімінің орынбасары.
2020-2021 ж.ж. – Қазақстан Республикасы Ақпарат және қоғамдық даму министрлігінің вице-министрі.
2021 жылғы шілде – 2022 ж. 2 ақпанған дейін Нұр-Сұлтан қаласы әкімінің орынбасары.