Ұлттық экономика министрі Әлібек Қуантыров Қазақстанның Ресейге санкциялардан жалтаруға көмектесіп жатқаны жөніндегі шетелдік БАҚ жарияланымдарына қатысты пікір білдірді, деп хабарлайды Ulysmedia.kz.
“Қазақстан Ресейдің санкцияларды айналып өтуіне көмектесіп жатқан жоқ. Санкцияға іліккен тауарларды елге әкелуге түбегейлі тыйым салмасақ та, сауда министрлігімен бірлесіп кәсіпкерлерге түсіндіру жұмыстарын жүргізіп жатырмыз. Біздің ұстанымымыз ашық. Санкциялық тауарлар айналымын қолдамаймыз”, – деді министр.
Еске салайық, бұдан бұрын АҚШ Қаржы министрлігі басшысының көмекшісі Элизабет Розенберг Қазақстанға Ресейге көмегі үшін санкцияға ілігетінін ескерткен.