Қазақстандық заңнамада «мораль» термині де, оның түсіндірмесі де арнайы көрсетілмеген. Десе де, үкімет өкілдері бір нәрсеге тыйым салуды, айыптауды немесе айыппұл салуды ұсынатын кезде дәл осы терминді басшылыққа алуға тырысады. Бірақ моральді әркім әртүрлі ұғынады. Ортақ түсінік болмағандықтан, билік не заң шығарушы орган тарапынан айтылған «мораль» туралы мәлімдемелер қоғамды күлкіге қарқ қылып жатады. Тіпті әжуалап, келеке ететіндерін қайтерсің. Дәл осындай жағдайлар 2023 жылы да қайталанды. Оларды Ulysmedia.kz тілшісі еске түсіргенді жөн санайды.