Статистика деректері бойынша қыркүйек айында Қазақстан шетелдіктер көші үшін тағы да тартымды елге айналды. Осы айда біздің елге тұрақты тұруға келген шетелдіктер кеткендерге қарағанда 507-ге көп болды, деп хабарлайды Ulysmedia.kz.
Ұлттық статистика бюросы мамандарының айтуынша, соңғы рет оң үрдіс 2022 жылдың қазан айынан бастап, Ресейде мобилизация басталған тұста шетелдіктердің ағыны күрт көбейген кезде байқалған. Алайда, 2023 жылдың жазына қарай көші-қон сальдосы қайтадан теріс болды және бұл көрсеткіш қатарынан үш айға созылды. Бірақ қыркүйек айында статистика өзгеріп, Қазақстан қайтадан көшуге тартымды елге айналды.
Сарапшылар көші-қон сальдосын 5 өңір – Астана (5,4 мың адам) және Алматы (3,2 мың адам), Шымкент (225 адам), Алматы (169 адам) және Маңғыстау облыстары (115 адам) қамтамасыз еткенін атап өтті.
Бұл ретте, теріс өсім Түркістан (1,9 мың адам) және Жамбыл облыстарында (1,2 мың адам) тіркелді.
Айта кетейік, биылғы жылдың алғашқы жартыжылдығында 5 мыңға жуық қазақстандық Ресейге көшіп кеткен.
Елдің негізгі көші-қон алмасуы ТМД мемлекеттері арасында болған. ТМД елдерінен келгендердің үлесі 89,1% болса, осы елдерге кеткендердің үлесі 75,4% құрады.
ТМД елдерінен тұрақты тұруға көшкен 12,1 мың адамның ішінде Ресейден 6858 адам келген. Екінші орында Өзбекстан (3200), үшінші орында Түрікменстан (671). Ал кеткендердің көпшілігі Ресейге барғандар (4981).