Белгілі кәсіпкер Қайрат Боранбаев қамаудан босатылды, деп хабарлайды Ulysmedia.kz.
Дереккөздердің хабарлауынша, ол 2023 жылдың 4 қарашасында бостандыққа шықты.
Қайрат Боранбаев 11 қазаннан бастап ЕЦ-166/1 мекемесінде қамауда болды, 12 қазаннан Ақмола облысындағы Гранитный ауылындағы №7 орташа түзеу мекемесіне ауыстырылған.
Еске салайық, жуырда белгілі кәсіпкер Қайрат Боранбаев ісі бойынша апелляциялық сот үкімі шықты. Сот кәсіпкердің жазасын жеңілдетті. Ол 6 жылға бас бостандығынан айырылды.
Боранбаевтан мемлекет кірісіне:
Сондай-ақ, Қайрат Боранбаев мемлекетке құны 1,4 млрд теңгеден асатын қонақүйді тапсырды, білім беру инфрақұрылымын қолдау қорына 30 млрд теңгеден астам қаржы аударды және өзінің меншігіндегі сауда орталығы мен фитнес желісін мемлекет меншігіне өткізді.
Бұдан бөлек, кәсіпкердің жалпы құны 58 млрд теңге болатын кен орны, зауыты пен компаниясы мемлекетке өтті.
20 қарашада Боранбаевтың түрмедегі жазасы бас бостандығын шектеуге алмастырылғаны белгілі болды.Сотталушы пробациялық бақылауда болатыны хабарланды.