Бұл туралы ол кеше Алматыда inDrive ұйымдастырған Alternativa Film Awards халықаралық кинофестивалінде сөйлеген сөзінде айтты, деп хабарлайды Ulysmedia.kz.
«Мен Қазақстан азаматтығын қабылдадым. Ел басшылығына шақырғаны үшін, зор сенімі үшін, ал бүкіл Қазақстан тұрғындарына inDrive үшін екінші үй болғаны үшін алғыс айтқым келеді. Цифрлық даму, инновациялар және аэроғарыш өнеркәсібі министрі Бағдат Мусинге де inDrive компаниясына Қазақстандағы компанияны біріктіру және бейімдеу күш-жігерін үздіксіз қолдағаны үшін ерекше алғыс айтамыз», деді Арсен Томский.
Әу баста Якутияда негізі қаланған халықаралық inDrive қызметі Қазақстанда 2014 жылы іске қосылды. 2022 жылы компания Ресейдегі жұмысын тоқтатты. Барлық қызметкерлер әртүрлі елдерге қоныс аударды. Олардың көпшілігі Қазақстанға көшті. Мұнда inDrive ең үлкен хаб құра алды. Бүгінде Алматы мен Астанада 1000-нан астам қызметкер жұмыс істейді.
inDrive платформасында ұсынылған қалалық және көлік қызметтерінен басқа, компания өзінің inVision бағыты аясында білім, мәдениет, спорт және гендерлік теңдік саласындағы коммерциялық емес әлеуметтік жобаларды белсенді түрде дамытуда. 2022 жылы Қасым-Жомарт Тоқаевпен жеке кездесуінде Арсен Томский елдегі inVision-ті дамыту жоспарларымен таныстырған болатын. Сондай-ақ 2023 жылдың қарашасында inDrive венчурлық инвестициялармен айналысатын New Ventures бөлімшесін құру туралы, сондай-ақ оларды компаниямен бірлесіп дамыту үшін перспективалы стартаптарды іздеу туралы хабарлады.
Инвестициялық бағдарламаның көлемі 100 миллион долларға дейін жетеді. Бұл ретте, Қазақстан жаңа жобаларды іздеудің басым нарығы болып табылатынын атап өткен жөн.