Қазақстанда 18 мыңға жуық үкіметтік емес ұйым жұмыс істейді деп хабарлайды Ulysmedia.kz.
Қазақстан сыртқы істер министрі басшысының орынбасары Роман Василенко Ресей қорғаныс министрі Сергей Шойгудың Орталық Азиядағы ҮЕҰ "Ресейге қарсы қызметпен айналысады"деген мәлімдемесіне жауап берді.
Роман Василенко азаматтық сектор мен ҮЕҰ-ны қолдау президент пен үкімет үшін маңызды басымдық екенін еске салды.
– Егер дұрыс есімде болса, біздің елімізде 18 мың үкіметтік емес ұйым бар. Олар заңнамаға сәйкес әрекет етеді әрі біздің қоғамның өте маңызды бөлігі саналады. Яғни, азаматтық қоғамды мемлекет қолдайды, - деді ол.
Шойгудың мәлімдемесі
Бұған дейін Ресейдің қорғаныс министрі Сергей Шойгу "арнайы әскери операция" аясында Орталық Азия елдерінің Ресеймен әскери-техникалық, экономикалық және мәдени ынтымақтастығын әлсірету үшін Ресейге қарсы іс-шаралар едәуір өскенін мәлімдеген.
– Біз олардың алдын алу шараларын қабылдаймыз, - дейді ол.
Естеріңізге сала кетейік, бұған дейін Ресей Қазақстандықтарда әскери зымырандарды сынақтан өткізіп жатқаны хабарланған болатын. Қорғаныс министрінің орынбасары Шайх-Хасан Жазықбаевтың айтуынша, Қазақстан аумағында Ресейдің 900 әскері бар.