Ақтөбе облысында әріптесін атып жіберген қызметкерге сот үкімі шықты, деп хабарлайды Ulysmedia.kz.
ҚЫСЫМ ЖАСАЛҒАН
Қайғылы жағдай 2023 жылдың 2 желтоқсанында Ақтөбе облысында орналасқан ҚР ҰҚК қарасты «Қиялы» шекара заставасында болған. Бастапқыда әскери қызметкер Байбақтинге «Адам өлтіру» бабы бойынша айып тағылған. Кейін «Аффект жағдайында адам өлтіру» бабына ауыстырылды.
Куәгерлер қаза тапқан адамның Байбақтинге үнемі қысым жасағанын растады.
Оқи отырыңыз: Аягөзде әскери қызметкер көз жұмды: туыстары оның суицид жасағанына сенбейді
Аягөз гарнизоны әскери қызметкердің қазасын растады
СОТ ҮКІМІ
Жәбірленушінің тарапынан жасалған аморальды және заңға қайшы әрекеттерінен болған ұзақ уақыттық күйзеліс, қатты эмоционалдық шайқалу кезінде орын алған өлім, - деп хабарлады сот.
Байбақтин кінәлі деп танылып, үш жылға бас бостандығынан айырылды. Моральдық өтемақы төлейді.
Үкім әлі заңды күшіне енген жоқ.