2024 жылғы 7 қараша күні ауа райының қолайсыздығына байланысты бірінші ауысымның 0-7 сынып оқушылары қашықтан оқыту форматына ауыстырылды, деп хабарлайды Ulysmedia.kz.
ТОЛЫҒЫРАҚ
Қазгидрометтің мәліметіне сүйенсек, 6-7 қараша күндері Астанада оңтүстік-батыстан соққан желдің жылдамдығы 23-28 м/с-қа, кей кездері 30 м/с-қа дейін күшеюі ықтимал.
Еске сала кетейік, елордада бүгін де ауа райының тұрақсыз болуы салдарынан екінші ауысымның екінші сабағынан бастап сабақтар 30 минутқа дейін қысқарған болатын. Желдің күшеюіне байланысты елордалық құтқарушылар тұрғындарға қауіпсіздік шараларын сақтауға кеңес берді. Қатты жел жағдайында жеке қауіпсіздікті сақтап, мүмкіндігінше сыртқа шықпауға және абай болуға шақырады.
БҰҒАН ДЕЙІН...
Еске салайық, бұған дейін Қазақстанның екі облысында ауа райының нашарлауына байланысты жол қозғалысына шектеу енгізілгенін жазған едік. Сондай-ақ синоптиктер Қазақстанда 7, 8 және 9 қарашада ауа райы қандай болатыны туралы болжам жасаған.