Қарулы күштердің құрлық әскерлерінің бас қолбасшысы мен «Оңтүстік» өңірлік қолбасшылығы әскерлерінің қолбасшысы тағайындалды, деп хабарлайды Ulysmedia.kz.
АҚОРДАДАН АҚПАРАТ
Мемлекет басшысының өкімімен Мереке Мәтімұлы Көшекбаев Қазақстан Қарулы күштері құрлық әскерлерінің бас қолбасшысы лауазымына тағайындалды.Ал Ержан Уақасұлы Ыбыраев «Оңтүстік» өңірлік қолбасшылығы әскерлерінің қолбасшысы болып тағайындалды, ол бұрынғы атқарған лауазымынан босатылды.
МЕРЕКЕ КӨШЕКБАЕВ
Қазақстан армиясында генерал-майор Мереке Мәтімұлы Көшекбаев әскери училище курсантынан бастап, «Оңтүстік» өңірлік қолбасшылығы әскерлерінің қолбасшысына дейінгі жолдан өтті. Ол әр жылдары жауынгерлік дайындық бойынша жауапты қызметтер атқарды. Бірнеше әскери бөлімдердің командирі, Қазақстан Республикасы Қарулы күштері Құрлық әскерлері Десанттық-шабуылдау әскерлерінің қолбасшысы болды.1997 жылы Алматы жоғары жалпы әскери командалық училищесін, 2007 жылы Ұлттық қорғаныс университетін, 2019 жылы РФ ҚК Бас штабының Әскери академиясын бітірген. II дәрежелі «Данқ» және «Айбын» ордендерімен, ведомстволық наградалармен және мерейтойлық медальдармен марапатталған.
ЕРЖАН ЫБЫРАЕВ
Ержан Ыбыраев 1978 жылғы 1 қыркүйекте Семей қаласында туған. 1995 жылы «Командалық тактикалық мотоатқыштар әскерлері» мамандығы бойынша Алматы ЖӘУ, 2009 ж. «Жедел-тактикалық басқару (менеджмент)» мамандығы бойынша ұлттық қорғаныс университетін бітірген. 2020 жылы «Ұлттық қауіпсіздік және мемлекет қорғанысы» мамандығы бойынша РФ ҚМ Бас штабының Әскери академиясы, II дәрежелі "Айбын" орденімен, ведомстволық наградалармен және мерейтойлық медальдармен марапатталған. Лейтенанттан бастап полковникке дейін әскери қызметтің барлық деңгейлерінен өткен. 1995 жылдан бастап 2017 жылға дейін взвод командирінен бастап әскерлер қолбасшысы орынбасарына дейін әртүрлі лауазымдарда қызмет өткерген. 2023 жылғы 7 қарашадан бастап Мемлекет Басшысының өкімімен «Астана» өңірлік қолбасшылығы әскерлерінің қолбасшысы болып тағайындалған.