Әлеуметтік желіде «Серебро» тобының солисі болған ресейлік әнші Ольга Серябкинаның қазақ халқына қарата айтқан жағымсыз сөзі тарап жатыр. Ол сұхбаттарының бірінде «қазақтарға түкірдім» деген сөз айтады, деп хабарлайды Ulysmedia.kz.
«ҚАЗАҚТАРҒА ТҮКІРДІМ»
...Жоқ, мен басқасын қалаймын. Қазақстан? Қазақтарға түкірдім, – дейді ол сұхбаттарының бірінде.
Әншінің бұл сөзі әлеуметтік желі қолданушыларының ашуын туғызды.
Айта кетейік, 29 қарашада Алматыдагі түнгі клубтардың бірінде әншінің концерті өтпекші. Ал әлеуметтік желі қолданушылары бұл концертке бармау керек екенін жазып жатыр. Сондай-ақ оны Қазақстанға кіргізбеуді талап етуде.
ОЛЬГА СЕРЯБКИНА
Ольга Серябкина 1985 жылы Мәскеуде туған. Сахнада Молли лақап атымен белгілі болды. Әнші, бірнеше ән авторы, ақын, актриса және тележүргізуші.
2006 жылдан 2019 жылға дейін SEREBRO тобының жалғыз тұрақты солисі болды. «Мама Люба», «Mimimi», «Мало тебя», «Я тебя не отдам», «Перепутала» және тағы басқа да басты хиттерін қоса алғанда, ұжымның көптеген әнінің авторы.
2014 жылы Holy Molly бүркеншік атымен Kill Me All night Along синглінде DJ M. E. G.-пен бірге қонақ орындаушы ретінде, ал 2015 жылы сол лақап атпен дебюттік аттас жеке сингл шығарды. Лақап атын Молли деп қысқартқаннан кейін Серябкина синглдер шығаруды жалғастырды.
2019 жылдың ақпанында ол «Серебродан» кетіп, сол жылдың сәуірінде «Косатка в небе» атты дебюттік студиялық альбомын шығарды.
2017 жылы «Тысяча «М»» атты алғашқы өлеңдер жинағы жарық көрді.
2020 жылдан бастап MALFA лейблімен ынтымақтастықты аяқтады және өз атымен жұмыс істейді.
2022 жылдың 22 сәуірінде «Синий цвет твоей любви» альбомының шығарылымы өтті, оның құрамына он композиция кірді, шығарылымнан бірнеше сағат өткен соң альбом Ресейдің ITUNES топ-чартында бірінші орынды иеленді.