Танымал продюсер Баян Алагөзова жиен немерелі болды. Ол өз қуанышын әлеуметтік желідегі парақшасында бөліскен, деп хабарлайды Ulysmedia.kz.
Оның үлкен қызы Айсәуле Бақытбек-Қайдарова қыз баланы өмірге әкелді.
Бақыт! Бақыт! Бақыт! Менің қызым үшінші рет ана атанды! Бізде қыз бала өмірге келді! – деп жазды Баян Мақсатқызы Instagram-да.
Баян Алагөзованың үлкен қызы Айсәуле Бақытбек-Қайдарова Сафия және Сәтті есімді екі қыз тәрбиелеп отыр.
Осылайша, енді отбасына тағы бір қыз қосылды.
Сондай-ақ Айсәуле де Instagram-парақшасына:
Үшінші рет ата-ана атандық, – деп жазып, сәбидің қолынан ұстаған фотосын жариялаған.
Бұған дейін Айсәуле Бақытбек-Қайдарова өзінің Instagram парақшасында "сұрақ-жауап" айдарын өткізіп, әкесі жайлы сұрақтарға жауап берген болатын.