Ол енді Қызылорда облысының спорт басқармасын басқарады, деп жазады Ulysmedia.kz.
Енді танымал боксшы Қызылорда облысының дене шынықтыру, спорт және туризм басқармасын басқарады. Оны актив отырысында облыс әкімі Нұрлыбек Нәлібаев таныстырған.
Артаев 1983 жылы Тараз қаласында дүниеге келген. Мұхаммед Хайдар Дулати атындағы Тараз мемлекеттік университетін «Құқықтану», «Менеджмент», Қазақ спорт және туризм академиясын «Дене шынықтыру және спорт», ҚазТұтынуодағы Қарағанды экономикалық университетін «Мемлекеттік және жергілікті басқару» мамандықтары бойынша бітірген. «Құқықтану», «Дене шынықтыру және спорт» магистрі дәрежесі тағы бар.
2004 жылғы Грекияның Афины қаласында өткен Олимпиадада бокстан 69 келі салмақ арасындағы жарыс чемпионы, ересектер арасында бокстан Дүние жүзі чемпионатының қола жүлдегері (2005 жыл қараша Мианьян қаласы, Қытай). Қазақстанның 7 дүркін чемпионы.