Қытай төрағасы Си Цзиньпин 2025 жылдың қаңтарында АҚШ-тың қайта сайланған президенті Дональд Трамптың инаугурациясына бармайды, деп хабарлайды Ulysmedia.kz.
Си Цзиньпиннің орнына іс-шараға Қытайдың АҚШ-тағы елшісі, сондай-ақ оның жұбайы қатысады. Бұл осындай іс-шаралар үшін стандартты тәжірибе. Бейжіңдегі басқа шенеуніктердің қатысуы да мүмкін, деп жазады CBS News.
Трамп жақында ғана Қытай көшбасшысымен сөйлескенін, бірақ инаугурация тақырыбын көтермегенін хабарлады. Ресми дипломатиялық арналарды сақтамай, Си Цзиньпинді шақыру Бейжің үшін де, АҚШ одақтастары үшін де тосынсый болған.
Қатаң хаттамаға үйренген және АҚШ-Қытай қарым-қатынасындағы билік динамиктерін жақсы білетін Қытай шенеуніктері де таңғалған деседі.
Трамп командасының мүшелері арасындағы Қытайға деген әртүрлі көзқарасты ескере отырып, Сиді шақыру шешіміне Батыс дипломаттары да таңданысын білдірген. Бұл әкімшілік ішінде де, геосаяси қатынастарда да шиеленістің көзі болуы мүмкін, деп атап өтті дипломаттар.
ТРАМП
Бұрын сайланған АҚШ президенті Дональд Трамп БРИКС елдеріне (Бразилия, Ресей, Үндістан, Қытай және Оңтүстік Африка) бағытталған қатаң мәлімдеме жасаған еді. Ол егер олар америкалық долларды халықаралық есеп айырысуларда пайдаланудан бас тартып, өз валютасына ауысса, осы елдердің тауарларына жүз пайыздық баж салығын енгіземіз деп қорқытқан.