Америкалық астронавт Марк Томас Ванде Хэй қазақстандықтарды Тәуелсіздіктің 30 жылдығымен құттықтады. Видеоқұттықтау Қазақстандағы АҚШ елшілігінің фейсбуктегі парақшасына жарияланды, деп хабарлайды Ulysmedia.kz порталы.
«Қазақстандықтарды Тәуелсіздіктің 30 жылдығымен құттықтаймын. АҚШ алғашқы елдердің бірі болып сіздердің тәуелсіздіктеріңізді мойындады. Содан бері екі елдің арасында барлық бағыт бойынша, әсіресе ғарыш саласында ынтымақтастық дамып келеді», - деді Томас Ванде Хэй.
Сонымен бірге ол Байқоңыр ғарыш айлағынан алған әсерін бөлісті.
«Мен Байқоңырдан ғарышқа екі рет ұштым. NASA ол жерде көп зерттеу жүргізген», - дейді ол.