Flydubai әуе компаниясы 28 желтоқсан мен 5 қаңтар аралығында Сочи мен Минводтан Дубайға ұшатын рейстерді тоқтатты, деп хабарлайды Ulysmedia.kz.
Flydubai Минеральные воды мен Сочиден Дубайға ұшуды уақытша тоқтатқанын хабарлады. Шектеулер 2024 жылдың 27 желтоқсанында басталып, 2025 жылдың қаңтар айының басына дейін жалғасады, бұл жаңажылдық саяхат маусымының шыңына сәйкес келеді.
Әуе компаниясының өкілі түсіндіргендей, Дубай халықаралық әуежайынан (DXB) Минеральные водыға (MRV) 2024 жылдың 27 желтоқсаны мен 2025 жылдың 3 қаңтарын қоса алғанда, Сочиге (AER) 2024 жылдың 28 желтоқсаны мен 2025 жылғы 2 қаңтарды қоса алған уақыт аралығында рейстер тоқтатылды.
«Шешім операциялық себептерге байланысты қабылданды», - деді Flydubai.
Өзгерістерге байланысты жоспарлары бұзылған жолаушылар келесі опцияларды пайдалана алады:
EURONEWS: ҰШАҚТЫ РЕСЕЙ ЗЫМЫРАНЫ АТЫП ТҮСІРГЕН
Euronews бұған дейін Ақтау маңында апатқа ұшыраған ұшақ ресейлік зымыраннан атылғанын мәлімдеген еді. Басылым Әзербайжан үкіметіндегі дереккөздерге сүйеніп, апат Грозный үстінде ресейлік зымыраннан атқаннан болған деп жазады сенімді түрде. Осындай нұсқаны әлемдік БАҚ-тар да жарыса жазып жатыр.
АҚТАУ МАҢЫНДАҒЫ АПАТ
25 желтоқсан күні Ақтау қаласының маңында Azerbaijan Airlines әуекомпаниясының Бакуден Грозныйға бағыт алған жолаушылар ұшағы апатқа ұшырап, 38 адам қаза тапты.
Бортта 5 экипаж мүшесін қоса алғанда 67 адам болған. Жолаушылардың 6-ауы Қазақстан, 42-сі Әзербайжан, 3-еуі Қырғызстан, 16-сы Ресей азаматы. 29 адам жарақат алып, ауруханаға жатқызылды, олардың арасында екі бала бар. Апаттан аман қалғандар арасында қазақстандықтар жоқ. Төтенше жағдайлар министрлігі Ақтау маңындағы ұшақ апаты кезінде қаза тапқан қазақстандықтардың тізімін жариялады. Ұшақ апатына байланысты қылмыстық іс ашылып, қайғылы оқиғаның себеп-салдарын тексеру үшін Үкіметтік комиссия құрылды.