Енді шетелге шығуға тыйым бар-жоғын жедел тексеруге болады

ШЕКТЕУ НЕГЕ ҚОЙЫЛАДЫ

Шетелге шығу құқығын шектеудің негізгі себебі – қарыздардың болуы. Оларға төленбеген салықтар, айыппұлдар, алименттер, коммуналдық қызметтер бойынша қарыздар, сондай-ақ тиісті құжаттық растауы бар жеке немесе заңды тұлғалар алдындағы қарыздар жатады, деп түсіндіргі «Ұлттық ақпараттық технологиялар» акционерлік қоғамының бспасөз қызметі.

ҚЫЗМЕТТІ ПОРТАЛДА ПАЙДАЛАНУ

еGov.kz порталында сервисті пайдалану үшін:

• «Азаматтарға» - «Азаматтық, көші-қон және иммиграция» - «Шетелге шығу» бөлімін таңдау керек;
• «Шет елге шығуы шектелген, борышкерлер тізілімі және атқару өндірісі бойынша борышкерлер тізілімі бойынша шет елге шығуға тыйым салынғандығының бар болуын тексеру» қызметін таңдап, «Онлайн сұрау» батырмасын басу қажет;
• ЖСН/БСН-ды еңгізіп, «Ары қарай» батырмасын басу керек;
• мәртебелік бетте сұранысты қарау нәтижесімен танысу қажет.

ҚОСЫМША КӨМЕГІН ПАЙДАЛАНУ

eGov Mobile қосымшасында сервисті пайдалану үшін:

• eGov Mobile қосымшасына кіріп және авторизациядан өтіп, «Қызметтер» - «Саяхат, шетелдегі өмір және эмиграция» бөлімін таңдау қажет;
• «Шет елге шығуы шектелген борышқорлар тізімі және атқару өндірісі бойынша борышқорлар тізілімі бойынша шет елге шығуға тыйым салынғандардың бар болуын тексеру» қызметін таңдау керек;
• ЖСН/БСН енгізіп, «Тексеру» батырмасын басыңыз;
• тексеру нәтижесімен танысу қажет.

ШЫҒУҒА ТЫЙЫМ ҚАНДАЙ ЖАҒДАЙДА ҚОЙЫЛАДЫ

Шетелге шығуға шектеулер қарыз сомасы 40 АЕК-тен асқан жағдайда немесе сот тиісті өндіріп алу туралы қаулы шығарған болса алимент төлемдерінің мерзімі 3 айдан асып кеткен жағдайда қолданылады. Сотпен бекітілген сот орындаушысының қаулысы ҚР ҰҚК Шекара қызметіне жіберіледі, олар шекарадан өту мүмкіндігін бұғаттайды.

Қызмет тегін көрсетіледі және жеке тұлғаларға да, заңды тұлғаларға да қолжетімді.