2025 жылы алғашқы биржалық сауда-саттықта теңге сатушылардың қысымына ұшырады. Бұл қаңтар айында Ұлттық қордан валютаны сату көлемінің төмендегені жайлы жаңалықтармен, жылдық инфляцияның жағымсыз деректеріне байланысты болып отыр, деп хабарлайды Ulysmedia.kz.
Қазақстан қаржыгерлері қауымдастығы сарапшыларының айтуынша, жексенбідегі сауда-саттық қорытындысы бойынша доллар мен теңгенің орташа сараланған бағамы бір доллар үшін 526,30 теңгеге (+1,20 теңге) дейін өсті. Сонымен қатар, сауда-саттық көлемі азырақ болды (119,5 миллион доллар – 80,5 миллион долларға аз). Бұл көбінесе елдегі ұзақ демалыс күндерінен кейін ойыншылардың белсенділігінің аздығына байланысты.
Ұлттық қордан трансферттерді айырбастау көлемі қаңтарда 750-850 млн долларға (желтоқсанда 900) дейін төмендейді. Ал 2024 жылдың қорытындысы бойынша олар рекордтық 10,2 млрд долларды (2023 жылы 9,5 млрд доллар) құрады. Валюталық интервенцияларды тоқтата тұру туралы мәлімдемеге қарамастан, олардың көлемі желтоқсанда 308 млн долларды (қараша айында 1,0 млрд доллар) құрады, - деп хабарлады ҚҚҚ.
Сонымен қатар, 2024 жылы инфляция 8,6% көрсеткен (2023 жылы 9,8%).
ДОЛЛАРДЫҢ ҚЫМБАТТАУЫ
Былтыр 28 қарашадағы Қазақстанның айырбастау пункттерінде валюталардың орташа өлшенген бағамы белгілі болды. Доллар 525 теңгеге сатыла бастады. 18 қарашада Қазақстанның айырбастаушыларындағы доллар бағасы 500 теңгеден, ал 26 қарашада 503 теңгеден асқан еді.
Ұлттық банк осыған байланысты интервенция жүргізді.
Артынша Ұлттық банк базалық мөлшерлемені +/- 1 п.т. дәлізімен жылдық 15,25% деңгейінде белгілеу туралы шешім қабылдады.