Бүгін астаналық оқушылар қашықтан, онлайн оқиды, деп хабарлайды Ulysmedia.kz.
Бұл туралы қалалық білім басқармасындағылар хабарлады.
- 23 қаңтар күні ауа райының қолайсыздығына байланысты екінші ауысымның 0-11 (12)сынып оқушылары және колледждердің 1-2 курстың студенттері (9 сынып базасында) қашықтан оқыту форматына ауыстырылады, делінген хабарламада.
-30°C-ҚА ДЕЙІН СУЫҚ
Бұған дейін синоптиктер 23 қаңтарға арналған ауа райы болжамын жариялаған болатын.
Астанада түнде жаяу бұрқасын күтіледі. Көшпелі бұлт жүреді, жауын-шашынсыз. Күндіз ауа температурасы -15-17 °C болса, түнде -28-30°C дейін барады
Алматыда аздаған қар жауады. Ауа температурасы күндіз -6°C дейін суыса, түнде -11°C дейін барады.
Шымкентте күн бұлтсыз. Ауа температурасы күндіз -5°C дейін суыса, түнде -11°C дейінгі шекте болады.