Алматы әуежайында ауа райына байланысты жағдай күрделі, деп хабарлайды Ulysmedia.kz.
Әуежай қызметкерлері жолаушыларға ауа райына байланысты ескерту жасады.
ӘУЕЖАЙ МӘЛІМДЕМЕСІ
Алматы халықаралық әуежайы ауа райының нашарлауына байланысты әуежайдың өндірістік қызметтері күшейтілген режимде жұмыс істеп жатыр.
- Кешігулерді барынша азайту үшін барлық қажетті шаралар қабылданып жатыр. Жолаушылардан рейстердің ағымдағы статусын ұшар алдында әуежай мен әуекомпаниялардың ресми сайттарынан тексеруді сұраймыз, – дейді әуежай өкілдері.
АЛМАТЫДАҒЫ АУА РАЙЫ
Айта кетейік, бүгін Алматыда күн бұлтты, түнде қар, күндіз жауын-шашын (негізінен қар). Кейде көктайғақ. Кешке тұман. Солтүстік-батыс жел секундына 2-7 метр. Түнде ауа температурасы 3-5 аяз, күндіз 0-2 жылы.