Еуропалық одақ елдері Украинаға әскер жіберу мәселесінде Мәскеудің пікірін ескермейтінін мәлім етті. Бұл туралы БАҚ өкілдерімен болған кездесуде Франция президенті Эммануэль Макрон айтты, деп хабарлайды Ulysmedia DW-ға сілтеме жасап.
ТОЛЫҒЫРАҚ
Макронның айтуынша, Еуроодақ елдері Украинаға әскер жіберу бастамасын қолдайды. Ондағы мақсат – украиналық сарбаздарға әскери іс-қимылдардың әдіс-тәсілдерін үйрету, оқыту және ұзақ мерзімді қолдау көрсету.
Еуропа елдерінің көшбасшылары бұл мәселеге келгенде Мәскеудің пікірін есепке алмайды.
Украина – тәуелсіз ел. Егер ол өз аумағында одақтас әскерлердің көмегіне сүйенсек, оны қабылдау немесе қабылдамау Ресейдің жұмысы емес, - деді Макрон.
Сонымен қатар Франция президенті қауіпсіздік мақсатында Украина аумағына еуропалық әскерді кіргізуге Кремльдің қарсы болуы Еуроодақ елдеріне Ресей тарапынан қауіптің бар екенін анық білдіреді деді.