Алматы қаласының Бурундай көшесінде ауыр жүк көлігі 2017 жылы туған баланы қағып кетті, деп хабарлайды Ulysmedia.kz.
ЖҮК КӨЛІГІ БАЛАНЫ ҚАҒЫП КЕТТІ
Оқиға Беларусь азаматы басқарған көліктің кесірінен орын алды. Бала оқиға орнында жан тапсырды.
Видеодан баланың анасы жол жиегінде күтіп тұрғанын, ал баланың жолдан өтіп келе жатқанын көруге болады. Бала анасына қарай жүрмек болғанда, алдынан жолаушылар автобусы кесіп өтеді. Сол сәтте жүк көлігі баланы байқамай басып өткен. Бұл қайғылы оқиға баланың анасының көз алдынд болған.
Желі қолданушаларының бірі сан-саққа бөлінген. Бірі баланың алдын кесіп өткен автобусты кінәласа енді бірі фуралардың қала ішіне жүруіне тыйым салу керек дейді. Ал бірі анасы неліктен жолдан өзі баласын алып өтпегеніне өкініп жатыр.
БҰҒАН ДЕЙІН
Алматыда жүк көлігі 7 жасар қыз баланы қағып кетіп, салдарынан бүлдіршін оқиға орнында қаза тапқанын жазған едік.
Қалалық полиция департаментінің мәліметінше, жол-көлік оқиғасы Алатау ауданында Бурундайская мен Новая көшелерінің қиылысында сағат 12:17-де болған.
Қайтыс болған қыз сол сәтте жаяу жүргіншілер жолағымен өтіп бара жатқан. Алайда жүк көлігі уақытында тоқтамай, оны қағып кеткен.
Сондай-ақ шетелдік БАҚ Пхукетте қазақстандық азамат қаза тапқанын хабарлаған.
Оқиға 1 сәуір түнгі сағат 00:45 шамасында болған. Ер адам Bypass Rd тас жолымен мотоциклмен жоғары жылдамдықпен келе жатып, рөлге ие бола алмай, бағанаға соғылған. Ер адам оқиға орнында жан тапсырған.